Grao en Educación Social

O Grao en Educación Social forma profesionais capaces de deseñar, desenvolver e avaliar procesos socioeducativos de prevención e intervención que contribúan á inclusión social, á promoción da autonomía persoal e ao desenvolvemento integral das persoas, coa fin de mellorar a súa calidade de vida. Ademais, o alumnado adquirirá a formación necesaria para levar a cabo estes procesos desde unha perspectiva crítica, reflexiva e comprometida, fundamentada na ética de mínimos morais.

Os ámbitos de actuación da Educación Social abarcan, entre outros, a educación non formal, a formación de persoas adultas, a animación sociocultural e sociolaboral, a acción socioeducativa e a inclusión social. Esta actividade profesional desenvólvese en diversos contextos, como ONGs, asociacións, servizos sociais, centros socioeducativos, centros de menores, de maiores ou recursos residenciais.

Consulta a ficha do título