Acceso e admisión

O Real Decreto 412/2014, de 6 de xuño, regula as condicións para o acceso ás ensinanzas universitarias oficiais de grao e os procedementos de admisión ás universidades públicas españolas. Poderán acceder ás ensinanzas universitarias os seguintes grupos:

1. Estudantado en posesión do título de Bacharelato do Sistema Educativo Español ou doutro declarado equivalente.
2. Estudantado en posesión do título de Bacharelato Europeo ou do diploma de Bacharelato internacional.
3. Estudantado en posesión de títulos, diplomas ou estudos de Bacharelato procedentes de sistemas educativos de Estados membros da Unión Europea ou doutros Estados cos que se subscribiron acordos internacionais aplicables a este respecto, en réxime de reciprocidade.
4. Estudantado en posesión de títulos, diplomas ou estudos homologados ao título de Bacharelato do Sistema Educativo Español, obtidos ou realizados en sistemas educativos de Estados que non sexan membros da Unión Europea cos que non se subscribiron acordos internacionais para o recoñecemento do título de Bacharel en réxime de reciprocidade.
5. Estudantado en posesión dos títulos oficiais de Técnico Superior de Formación Profesional, de Técnico Superior de Artes Plásticas e Deseño ou de Técnico Deportivo Superior pertencente ao Sistema Educativo Español, ou de títulos, diplomas ou estudos declarados equivalentes ou homologados aos devanditos títulos.
6. Estudantado en posesión de títulos, diplomas ou estudos, diferentes dos equivalentes aos títulos de Bacharelato, Técnico Superior de Formación Profesional, Técnico Superior de Artes Plásticas e Deseño, ou de Técnico Deportivo Superior do Sistema Educativo Español, obtidos ou realizados nun Estado membro da Unión Europea ou noutros Estados cos que se subscribiron acordos internacionais aplicables a este respecto, en réxime de reciprocidade, cando devandito estudantado cumpra os requisitos académicos esixidos en devandito Estado membro para acceder ás súas universidades.
7. Persoas maiores de vinte e cinco anos que superen a proba de acceso.
8. Persoas maiores de corenta anos con experiencia laboral ou profesional en relación cun ensino.
9. Persoas maiores de corenta e cinco anos que superen a proba de acceso.
10. Estudantado en posesión dun título universitario oficial de Grao, Máster ou título equivalente.
11. Estudantado en posesión dun título universitario oficial de Diplomado universitario, Arquitecto Técnico, Enxeñeiro Técnico, Licenciado, Arquitecto, Enxeñeiro, correspondentes á anterior ordenación das ensinanzas universitarias ou título equivalente.
12. Estudantado que cursase estudos universitarios parciais estranxeiros ou españois, ou que finalizando os estudos universitarios estranxeiros non obtivese a súa homologación en España e desexe continuar estudos nunha universidade española. Neste suposto, será requisito indispensable que a universidade correspondente lles recoñeza polo menos 30 créditos ECTS.
13. Estudantado que estivese en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, do 9 de decembro.

Considerase un perfil de ingreso no referido a coñecementos, habilidades e capacidades de partida dun nivel de bacharelato.

Ademais, esta titulación está recomendada para aquel estudantado que esté interesado polas cuestións relacionadas coa ensinanza, especialmente nos seus niveis básicos. Debe estar interesado polas actividades humanitarias e solidarias, ser responsable, adquirir compromisos éticos, críticos e auto-críticos. Con capacidade de traballar en grupo, ser persuasivo, emprendedor e ter facilidade para as relacións interpersoais. Ser sensible ás novas esixencias reclamadas dende unha realidade na que ao tempo se reclama a igualdade, a compensación das desigualdades e o dereito á diferencia, así como manifestar sensibilidade ante os problemas medioambientais. Ser creativo e flexible e ser capaz de adaptarse a situacións complexas, cambiantes e non previstas.

Acceso por preinscrición polo procedemento convocado pola CIUG

Número de prazas ofertadas: 75

As prazas obxecto de reserva que queden sen cubrir en cada cupo, acumularanse ás ofertadas polo xeral.

Acceso por recoñecemento de 30 créditos (desde o mesmo grao e distinta universidade ou outro grao da mesma rama de coñecemento)

Número de prazas ofertadas: 8 (2 para estranxeiros que se acumularía)

Tramitación na sede

Cambio de titulación entre o mesmo plan de estudos (desde Vigo e Pontevedra co Grao en Educación Primaria).

Número de prazas ofertadas: 10 prazas

Consulta toda a información na páxina web da CIUG.

Segundo o Real Decreto 1393/2007, de 29 de outubro, polo que se establece a ordenación das ensinanzas universitarias oficiais, se entende por recoñecemento de créditos a aceptación por unha universidade dos créditos que, habendo sido obtidos nunhas ensinanzas oficiais, na mesma ou outra universidade, son computados noutras distintas a efectos da obtención dun título oficial. Asi mesmo, poderán ser obxecto de recoñecemento os créditos cursados noutras ensinanzas superiores oficiais ou en ensinanzas universitarias conducentes á obtención doutros títulos, aos que se refire o artigo 34.1 da Lei Orgánica 6/2001, de 21 de decembro, de Universidades.

A transferencia e recoñecemento de créditos nas ensinanzas de grao deberán respetar as seguintes regras básicas:

• Sempre que o título ao que se pretende acceder pertenza á mesma rama de coñecemento, serán obxecto de recoñecemento un número de créditos que sexa polo menos o 15 por cento do total dos créditos do título, correspondentes a materias de formación básica de dita rama.
• Sempre que a titulación de destino á que se pretende acceder pertenza á mesma rama de coñecemento, serán obxecto de recoñecemento os créditos correspondentes a materias de formación básica de dita rama.
• Tamén serán obxecto de recoñecemento os créditos obtidos naquelas outras materias de formación básica pertencentes á rama de coñecemento do título ao que se pretende acceder.
• O resto dos créditos poderán ser recoñecidos pola universidade tendo en conta a adecuación entre as competencias e coñecementos asociados ás restantes materias cursadas polo estudante e os previstos no plan de estudos ou ben que teñan carácter transversal.

Por outra parte, o estudantado poderá obter o recoñecemento de ata 6 ECTS pola súa participación en actividades culturais universitarias, deportivas, de representación estudantil, solidarias ou de cooperación. Esta cantidade sustraerase do total de créditos de materias optativas a cursar. A normativa e formularios para este tipo de recoñecementos está dispoñible na páxina web da Universidade de Vigo.

Recoñecementos automáticos

Ao estudantado procedente do Grao en Educación Infantil da Universidade de Vigo recoñeceránselle as seguintes materias:

Recoñecementos do Grao en Educación Infantil ao Grao en Educación Primaria

Ao estudantado que cursara o Ciclo Formativo de Grao Superior en Educación Primaria recoñeceránselle as seguintes materias:

• Catálogo de créditos e materias recoñecidas

Ao estudantado procedente das titulacións extinguidas impartidas na facultade aplicaránselle os seguintes recoñecementos:

Recoñecementos de titulacións extinguidas ao Grao en Educación Primaria